Հանդիսապետութեամբ Գերշ. Տ. Խաժակ արք.ին Միլանոյի հոգեւոր հովիւի հրաժեշտի պատարագ մատուցուեցաւ (Լուսանկար)

Հանդիսապետութեամբ   Գերշ. Տ. Խաժակ արք.ին Միլանոյի  հոգեւոր հովիւի հրաժեշտի   պատարագ մատուցուեցաւ (Լուսանկար)

 Վերջերս  «Արեւելք» գրած էր  Իտալիոյ   Միլանո  քաղաքին համար  հոգեւոր  նոր հովիւի նշանակման մասին։ 

Օրերս  տեղեկութիւն ստացանք, որ  բարձր ներկայութեամբ Գերշ. Տ. Խաժակ արք.ին Միլանոյի մէջ        մատուցուած է  հրաժեշտի  Պատարագ  նախկին հոգեւոր հովիւ  Տ. Տիրայր. Վրդ. Յակոբեանի  ձեռամբ։

 

 Ստորեւ մեր ընթերցողներուն կը ներկայացնենք այդ մասին  մեզի առաքուած  լրատւութիւնը։

 

Սեպտեմբեր 25-ին, Արեւմտեան Եւրոպայի Հայրապետական Պատուիրակ Տ. Խաժակ արք. Պարսամեան Միլան ժամանեց՝ հանդիսապետելու հոգեշնորհ Տ. Տիրայր վրդ. Յակոբեանի, իբրեւ Իտալիոյ հոգեւոր հովիւի, հրաժեշտի պատարագին։

 

Վարագայ Սբ. Խաչի տօնի առիթով Սրբազան Հայրը իր քարոզին մէջ ըսաւ. «Խաչի խորհուրդի մէջ մենք կը տեսնենք զոհողութիւն, յաղթանակ, յաւերժութիւն,—շարունակելով — Հայաստանի համար այս ծանր ժամանակաշրջանին անգամ մը եւս յիշենք խաչի խորհուրդը եւ ապաւինինք խաչի զօրութեան»։

 

Սրբազան Հայրը խօսելով հոգեւոր ծառայութեան եւ առաքելութեան մասին՝ աւետարանական ուղերձով հաւատացեալներուն համար ձեւակերպեց հովիւի կերպարն ու ընելիքը. «Եթէ մէկը կ՛ուզէ իմ ետեւէն գալ, թող վերցնէ իր խաչը եւ հետեւի ինծի։ Այսինքն՝ զոհէ իր անձը՝ ուրիշները սիրելով»։

Սրբազանը բարձր գնահատեց Տ. Տիրայր վրդ. Յակոբեանի ծառայութիւնը Իտալիոյ հայկական համայնքին մէջ, միաժամանակ Սրբազան Հայրը ներկայացուց Մայր Աթոռ Սբ. Էջմիածինի միաբան, նորանշանակ հոգեւոր հովիւ՝ Տ. Ներսէս աբղ. Յարութիւնեանը։

Յանուն Միլանի ծխական համայնքի եւ եկեղեցւոյ վարչութեան՝ ծխական խորհուրդի ատենապետ պր. Սարօ Խուտավերտեան իր գնահատանքը արտայայտեց Հայր Տիրայրի գործունէութեան եւ բարի գալուստ ու բարի ծառայութիւն մաղթեց փոխարինող հոգեւորականին։