0.09c
Երեվան
կրկ, դկտ 22
Սուրիա- Հալէպի եւ շրջակայից շրջաններու ելեքդրականութեան մատակարարման թուականը մօտալուտ է: Այս մասին կը տեղեկանանք Սուրիոյ ելեքդրականութեան ընկերութեան կայքէն: Աղբիւրը նաեւ կը նշէ, որ անցնող օրերուն ընկերութեան վերանորոգչական մասնագէտներ կարեւոր աշխատանքներ եւ վերանորոգումներ իրականացուցած են Հալէպի հարաւային հատուածի Ազզան, Րասըմ Պաքրո,Պլաս, Ղըպթին եւ Ալ Հատէր շրջաններուն մէջ: Աղբիւրը, որ չի նշեր, թէ Հալէպի ընդհանուր լուսաւորումը երբ պիտի կատարուի քաղաքացիներուն կը յիշեցնէ, որ վերոյիշեալ շրջաններուն մէջ ասկէ ամիս մը առաջ վերանորոգումներ կատարելը անհնար էր ահաբեկիչ զինեալներու ներկայութեան պատճառով: Յիշեցնենք, որ 39 օրերերէ ի վեր Հալէպը կը մնայ առանց ելեքդրականութեան իսկ քաղաքացիները կը ստիպուին մեծ գումարներ վճարել ոչ օրինական աղբիւրներէ ելեքդրական հոսանք գնելու համար: Հայկական շրջանները եւս կը մնան առանց ելեքդրաական հոսանքի մատակարարման:
