16.09c
Երեվան
հնգ, ապր 23
Թուրքիոյ նախագահ Ռեճէպ Թայէպ Էրտողան, 18-19 յուլիսին, պաշտօնական այցով կը գտնուի Թեհրան, ուր հանդիպում պիտի ունենայ Իրանի եւ Ռուսաստանի Դաշնութեան նախագահներուն հետ: Այս մասին կը յայտնէ «Hurriyet»-ը:
Թուրքիոյ նախագահականի հաղորդմամբ՝ Էրտողանի այցը տեղի կ'ունենայ Իրանի նախագահ Իպրահիմ Ռաիսիի հրաւէրով։
Երկու երկիրներու նախագահներու նախագահութեամբ 19 յուլիսին, Թեհրանի մէջ տեղի պիտի ունենայ Թուրքիա-Իրան բարձր մակարդակի ռազմավարական համագործակցութեան խորհուրդի եօթներորդ նիստը։
Այցի ընթացքին պիտի քննարկուին տարածաշրջանային եւ միջազգային հարցեր։
19 Յուլիսին Էրտողան պիտի մասնակցի Ռուսաստանի եւ Իրանի նախագահներու մասնակցութեամբ եռակողմ գագաթնաժողովին։ Գագաթնաժողովի շրջածիրէն ներս տեղի պիտի ունենայ Թուրքիոյ եւ Ռուսաստանի ղեկավարներու երկկողմ հանդիպումը։
