-0.91c
Երեվան
կրկ, դկտ 22
Լիբանանի մէջ ապօրինի զէնքի երեւոյթը կը շարունակէ չարաբաստիկ դէպքերու առիթ հանդիսանալ: Աքքարի «Պահնին» գաւառին մէջ Ռիմ անունով լիբանանցի կին մը շրջանին մէջ գրանցուած կրակոցներուն հետեւանքով ծանրօրէն վիրաւորուելէ ետք մահացած է: Այս մասին լուրը կը փոխանցէ «Ալ Ժատիտ» կայանը, որ նաեւ կը հաղորդէ, թէ երիտասարդ քաղաքացին վիրաւորուելէ ետք անմիջապէս փոխադրուած է հիւանդանոց, ուր եւ կնքած է իր մահկանացուն: Աղբիւրը նոյնպէս կը յիշեցնէ, որ Ռիմ վիրաւորուած է Սէուտական Արաբիայէն իրենց գաւառը վերադարձող «հաճի»ներու դիմաւորման համար եղած «հրճուանք»ի կրակոկոցներուն հետեւանքով:
Նշենք, որ Լիբանանի մէջ տարեկան կտրուածքով նման տասնեակ դէպքեր կը պատահին եւ երկրի քաղաքացիական հասարակութեան ներկայացուցիչներ տարբեր առիթներով կը շարունակեն ապօրինի զէնքի եւ զէնքի արտօնագրի հետ կապուած խստապահանջ օրէնքներ պահանջել:
