-1.91c
Երեվան
շբթ, դկտ 21
Այսօր` 9 Դեկտեմբերին, արտակարգ դէպք տեղի ունեցած է Երեւանի մէջ։ Ժամը 08։30-ի սահմաններուն, ոստիկանութեան Երեւան քաղաքի վարչութեան օփերաթիւ կառավարման կեդրոնը ահազանգ ստացած է, որ Արաբկիր վարչական շրջանի Դաւթեան փողոցի 1/4 շէնքի բակէն ներս պայթում տեղի ունեցած է ։
Ինչպէս կը յայտնէ «Շամշեան.գոմ»ը՝ ոստիկանները պարզած են, որ անյայտ հանգամանքներով պայթեցուցած են Lexus մակնիշի ինքնաշարժ մը:
Դէպքի վայրը աշխատած են նաեւ ոստիկանութեան փորձաքրէագէտները:
Ըստ նախնական տեղեկութիւններուն՝ պայթումի հետեւանքով տուժողներ չկան։
Աղբիւրի տեղեկութիւններով՝ պայթեցուած ինքնաշարժը կը շահագործուի «Հայէքոնոմպանքի» գործադիր տնօրէն՝ Արամ Խաչատրեանի կողմէն, սակայն ան ինքնաշարժին մէջ չէ եղած։ Վարորդը աշխատանքի երթալու ատեն աշխատցուցած է ինքնաշարժը, եւ քանի մը մեթր առաջ ընթանալէ ետք, պայթումը տեղի ունեցած է։
Քննիչի յանձնարարականով՝ ինքնաշարժը տեղափոխուած է ոստիկանութեան Արաբկիրի բաժնի պահպանուող յատուկ տարածք։ Հաշուի առնելով յանցագործութեան վտանգաւոր ըլլալու աստիճանը, դէպքի վայր ժամանած է նաեւ Արաբկիր եւ Քանաքեռ-Զէյթուն վարչական շրջաններու դատախազի տեղակալ՝ Կարէն Մելքոնեան։
