3.09c
Երեվան
հնգ, նմբ 14
Առաջիկա օրերին Հայաստան է ժամանելու թվային մեդիաաշխարհի ամենահայտնի մարդկանցից մեկը` ամերիկացի գրող, ակտիվ բլոգեր, լրագրող, դասախոս և մեդիա ձեռներեց Դեն Գիլմորը: Այդ մասին «Արեւելքին» տեղեկացրին «Վիքիմեդիա Հայաստան» հիմնադրամի գրասենյակից: Հիմնադրամի գրասենյակում էլ տեղի է ունենալու հանդիպում` մի շարք աշխարհահռչակ նախագծերի հեղինակի հետ:
Դեն Գիլմորը ԱՄՆ Արիզոնայի նահանգային համալսարանի Ուոլթեր Քրոնքայթի լրագրության և զանգվածային հաղորդակցության դպրոցի Նայթ (Knight) թվային մեդիա ձեռներեցության կենտրոնի ղեկավարն է, «Մենք ենք մեդիան» և «Մեդիակտիվ» գրքերի հեղինակը:
Գիլմորը 1994-2005 թվականներին թղթակցել է Սիլիկոն Վալիի «Սասն Խոսե Մերքյուրի Նյուզ» (San Jose Mercury News) օրաթերթին, որի ժամանակ դարձել է դոթքոմերի բումի և նրանց հետագա անկման հիմնական մատենագիրը։ 1999 թվականի հոկտեմբերին նա սկսել է «Մերքյուրի Նյուզ»-ի համար բլոգ գրել, ինչն առաջինն է համարվել ավանդական մեդիա ընկերության համար։
2007 թվականին Գիլմորը դարձել է առցանց ճանապարհորդական Dopplr հավելում նախագծի համահիմնադիրը:
Նրա հայաստանյան հանդիպման մանրամասների մասին կտեղեկացվի նախօրոք:
