7.09c
Երեվան
հնգ, նմբ 21
«Երեխաս հիւանդ է, կը պայքարի քաղկցկեղի դէմ, բուժում ստանալու համար հիւանդանոց մեր ացելութիւններու աւարտը ժամանակի հարց է, դեղերու անգտանելիութեան պատճառաւ: Արդէն մտահոգ ենք: Իսկ պետութիւն կարծես թէ չկայ»,- այս մասին խօսած է լիբանանցի մայր մը:
Մանրմասնութիւնները «Արեւելք» կը տեղեկանայ Sky News կայքէն:
Աղբիւրը նշած է, թէ հազարաւոր ծնողներ կոչ ուղղած են լիբանանեան իշխանութիւններուն, ապահովելու քացկեղի բուժման դեղերը, մանաւանդ որ մօտօրէն կը սպառին անոնք հիւանդանոցներէն:
Ըստ Առողջապահութեան համաշխարհային կազմակերպութեան Լիբանան այսօր կը գրաւէ առաջին տեղը Արեւմտեան Ասիոյ երկիրներուն մէջ քացկեղի հիւանդներու քանակով բնակչութեան տոկոսային համեմատութեամբ: Տուեալներուն համաձայն՝ 100 հազար լիբանանցիի 242-ը քաղցկեղով հիւանդ է: 2018-ին 17 հազար լիբանանցի կը պայքարէր հիւանդութեան դէմ:
Ծնողներուն կոչին միացած են նաեւ բժիշկները, որոնք զգուշացուցած են, որ եթէ վիճակը այսպէս շարունակուի, կրնայ վատ հետեւանքներու յանգիլ: Դեղագործներն ալ իրենց կարգին բողոքած են, որ իշխանութիւնները չեն յարգեր դեղերու ներմուծման նեցուկ կանգնելու իրենց խոստումը:
Աղբիւրը զրոյց ունեցած է Լիբանանի Ամերիկեան Համալսարանի Քացկեղի եւ արեան հիւանդութեանց բաժնի վարիչ, փրոֆ. Նաժի Ալ-Սաղիրին հետ, որ ըսած է թէ «Թերեւս դիմագրաւենք քաղցկեղի, սրտի, պաքթերեալ եւ քրոնիկ հիւանդութիւններէ տառապող հիւանդներու կեանքի կարճացում, քաղցկեղի բուժման նախատեսուած դեղերը չապահովուելուն պատճառաւ»: Ալ-Սաղիր շարունակած է թէ Լիբանանի մէջ քաղցկեղի բուժումը հասած էր ամէնէն բարձր մակարդակին, բայց հիմա հիւանդներուն կեանքը 2-3 տարի կրնայ կարճնալ կամ նոյնիսկ հիւանդը չբուժուի:
Ան ընդգծած է, թէ դեղերու ընդհանրապէս չգոյութեան պատճառաւ, բժիշկները կը դիմեն դասական քիմիական բուժման, որ իր բարդութիւնները ունի, եւ կրնայ հիւանդին կեանքը վտանգի ենթարկել:
Ալ-Սաղիր նաեւ նշած է թէ Լիբանանի մէջ քաղցկեղէ տառապող կիներուն 40 տոկոսը կրծքաղցկեղի դէմ կը պայքարի, իսկ այր մարդոց պարագային միզապարկի քաղցկեղն ու թոքերու քաղցկեղը աւելի տարածուած են:
Մասնագէտ բժիշկը կոչ ուղղած է Առողջապահութեան նախարարութեան շտապ ժողով մը գումարելու քաղցկեղի մասնագէտ բժիշկներուն հետ, առնելու պէտք եղած քայլերը եւ արագացնելու դեղերու հայթաթայթումը:
«Ինչ լաւ է, որ մենք միշտ նախապէս ապահոված կ'ըլլանք 3 ամսուայ համար բաւարար դեղեր, հետեւաբար այդքան ժամանակուայ մէջ, պէտք է անպայման ապահովուին նոր դեղեր»,- եզրափակած է բժիշկ Ալ-Սաղիրը:
