24.09c
Երեվան
չրք, օգս 27
2025-ի յունիս 18-էն, պարզապէս հարցազրոյցի մէջ Մայր Աթոռը պաշտպանելու համար՝ ակնյայտ ապօրինի կերպով կալանաւորուած է Սամուէլ Կարապետեանը: Այս մասին դիմատետրեան իր էջին գրած է փաստաբան Արամ Վարդեւանեանը:
«Ակնյայտ ապօրինի կալանքի երկարաձգման Հակակոռուպցիոն դատարանի որոշման դէմ ներկայացուած բողոքը համեմատութեան մէջ Արմէն Դանիէլեանին մակագրմանը՝ տեւական ժամանակ անց մակագրուեց Վերաքննիչ ատեանի դատաւոր Ժ. Մելիքսեթեանին:
Անհրաժեշտ եմ համարում յիշեցնել, որ վերջերս՝ Վճռաբեկ դատարանի հէնց հակակոռուպցիոն պալատը՝ կալանքի երկարաձգման հետեւանքով իրաւունքի խախտում արձանագրելով՝ նախադէպային որոշում է ընդունել, ըստ որի քրէադատավարական նուազագոյնի սկզբունքը պահանջում է այլընտրանքային խափանման միջոցների կիրառումը: Աւելին՝ Սահմանադրական դատարանի 2025 թուականի օգոստոսի 4-ի որոշմամբ առաջին անգամ ՄԻԵԴ որոշումներից յղմամբ ուղիղ արձանագրուել է, որ՝ կանխավարկածը միշտ էլ կալանաւորուած անձի ազատման օգտին է:
Չնայած այս ակնյայտ իրաւական երաշխիքներին, առանց որեւէ իրաւական հիմքի, բացառապէս քաղաքական հետապնդման հետեւանքով՝ Սամուէլ Կարապետեանը շուրջ 70 օր է, ինչ ապօրինի կալանաւորուած է»,-գրած է Արամ Վարդեւանեանը:
