13.09c
Երեվան
չրք, ապր 29
Արցախի Հանրապետութեան ԱԺ նախագահ Արթուր Թովմասեան ԼՂՀ անկախութեան հանրաքուէի, ԼՂՀ Սահմանադրութեան օրուան եւ Մարդու իրաւունքներու պաշտպանութեան միջազգային օրուան առթիւ ուղերձ յղած է.
«Սիրելի´ հայրենակիցներ,
Ամբողջ աշխարհում դեկտեմբերի 10-ը նշանաւորւում է որպէս Մարդու իրաւունքների պաշտպանութեան միջազգային օր:
Արցախում 3 տասնեակից աւելի է`դեկտեմբերի 10-ը նշւում է նա որպէս պետական անկախութեան հանրաքուէի եւ ԼՂՀ Սահմանադրութեան oր:
1991 թուականի այս օրը Արցախի բնակչութիւնը ԼՂՀ անկախութեան հանրաքուէով արտայայտել է անկախ պետութիւն ունենալու իր կամքն ու նուիրուածութիւնը, իսկ 2006 թուականի նոյն օրը ժողովրդավարական եւ օրինական երկիր ստեղծելու պատրաստակամութեամբ ընդունել է ԼՂՀ Սահմանադրութիւնը:
Մարդու իրաւունքների պաշտպանութեան միջազգային օրը պատահական չէր ընտրուած. Արցախեան շարժումը, Լեռնային Ղարաբաղի Հանրապետութեան ծնունդն ու գոյութիւնը մարդու իրաւունքների, հիմնարար սկզբունքների, ժողովուրդների հաւասարութեան եւ նրանց ինքնորոշման իրաւունքի անքակտելի մասն են:
Արցախահայութիւնը, հաւատարիմ երկու հանրաքուէներով արտայայտած իր ցանկութեանն ու անփոփոխ դիրքորոշմանը, այսօր էլ նոյն վճռականութեամբ ու նուիրուածութեամբ պատրաստ է տէր կանգնելու եւ ամրապնդելու անկախ պետականութեան ձեռք բերած արժէքները, ապրելու, շէնացնելու եւ զարգացնելու բազմաթիւ կորուստների ու զրկանքների գնով պահպանած պապենական հողը, պայքարելու իր իրաւունքի ինքնորոշման արդարացի լուծման համար:
Արցախի լիակատար ազատութեան, մեր ժողովրդի ոտնահարուած իրաւունքների վերականգնման պայքարը դեռ աւարտած չէ․ այն շարունակւում է։
Մեր ընտրած ուղուց այլեւս շրջադարձ չկայ, այն արդար է եւ սրբագործուած մեր հերոս նահատակների արեամբ:
Խաղաղութիւն մեր Հայրենիքին, ամուր կամք, համբերութիւն եւ բարեկեցութիւն հերոսական մեր ժողովրդին:
