5.09c
Երեվան
հնգ, նմբ 07
Առնօ Տէր Սահակով դարձաւ առաջին հայը, որ նուաճած է K2 (Չոկորի)՝ աշխարհի երկրորդ գագաթը (8611 մեթր):
Առնօ Տէր Սահակով կատարած է վերելք «7 Գագաթ» ակումբի խումբի կազմին մէջ։
27 եւ 28 յուլիսին K2-ի գագաթ բարձրացած են «7 Գագաթ» եւ «8000» ակումբներու երկու խումբի՝ 8 մասնակիցներ եւ 2 աշխատակիցներ։
«Վերելքը տեղի կ'ունենար վատ եղանակային պայմաններու տակ, անբարեկարգ երթուղիով։ Սակայն անոնք դիմացան։ Մեկնարկը նախավերջին ճամբարէն էր, քանի որ եղանակը թոյլ չտուաւ մինչեւ մեկնարկը ամբողջութեամբ մշակել երթուղին։ Այդ մեծ ձեռքբերում է»,- ըսած է «7 գագաթ» ակումբի նախագահ Ալեքսէյ Աբրամով։
Առնօ Տէր Սահակով կը վարէ թելեկրամեան ալիք՝ նուիրուած K2 արշաւին։
Լաթվիա բնակող Առնօ Տէր Սահակով 2019 թուականին նուաճած էր աշխարհի ամենաբարձր գագաթը՝ Էվերեսթը (8848 մեթր)։
Առնօ Տէր Սահակով Alida turs զբօսաշրջութեան ընկերութեան ղեկավարն է եւ Լաթվիոյ հայ համայնքի ղեկավարներէն մէկը։
