12.09c
Երեվան
շբթ, սպտ 21
Միացեալ Նահանգներու Քոնկրեսի մարդու իրաւունքներու հարցերով Թոմ Լանթոսի յանձնաժողովին մէջ սեպտեմբեր 19-ին տեղի ունեցած լսումներու ժամանակ Ատրպէյճանի մէջ մարդու իրաւունքներու հետ կապուած իրավիճակի մասին հնչած պնդումները որեւէ հիմք չունին: Նման յայտարարութեամբ հանդէս եկած է Ատրպէյճանի արտաքին գործոց նախարարութեան մամուլի քարտուղար Այխան Հաճիզատէն:
«Մենք խստօրէն կը դատապարտենք նման յայտարարութիւնները»,-ըսած է Հաճիզատէն:
Ան Միացեալ Նահանգներու կառավարութեան մարմինները մեղադրած է իբր թէ «աշխարհագրական անուանումներու միջազգային կանոնաւորման սկզբունքներու եւ ընթացակարգերու խախտման համար»:
Սեպտեմբեր 19-ին Միացեալ Նահանգներու Քոնկրեսի մարդու իրաւունքներու յանձնաժողովին մէջ լսումներ կայացած են՝ նուիրուած Ատրպէյճանի մէջ մարդու իրաւունքներու հետ կապուած իրավիճակին: Լսումներու ընթացքին փաստեր ներկայացուած են Ատրպէյճանի մէջ մարդու իրաւունքներու խախտման բազմաթիւ դէպքերու վերաբերեալ:
