14.09c
Երեվան
ուրբ, ապր 24
Միացեալ Նահանգներու մէջ երրորդ կուսակցութիւն պիտի յայտնուի, որ մտադիր են ստեղծել նախկին հանրապետականներն ու դեմոկրատները՝ միլիոնաւոր ընտրողներուն դիմելու համար, որոնք, ըստ անոնց, մտահոգուած են Ամերիկայի երկկուսակցական անգործունակ համակարգի կապակցութեամբ:
«Յառաջ» անուանումով նոր կուսակցութիւնը պիտի գլխաւորեն Դեմոկրատական կուսակցութեան նախագահի նախկին թեկնածու Էնտրու Եանկը եւ Նիւ Ճըրզիի հանրապետական նախկին նահանգապետ Քրիսթին Թոտ Ուիթմանը: Անոնք յոյսով են, որ կուսակցութիւնը կենսունակ այլընտրանք պիտի դառնայ հանրապետական եւ դեմոկրատական կուսակցութիւններուն, որոնք կը գերիշխեն ԱՄՆ քաղաքականութեան մէջ, հաղորդած է «Reuters»-ը:
Այս աշնան կուսակցութեան առաջնորդները շարք մը միջոցառումներ պիտի իրականացնեն երկու տասնեակ քաղաքներու մէջ՝ իրենց ծրագիրը տարածելու եւ աջակցութիւն ստանալու համար: Անոնք 24 սեպտեմբերին Հիւսթընի մէջ պաշտօնական բացում պիտի կատարեն, իսկ յաջորդ ամառ՝ կուսակցութեան առաջին ազգային համագումարը ԱՄՆ-ի խոշոր քաղաքներէն մէկուն մէջ:
