• 482
• 30/08/2022

Ամենայն Հայոց Կաթողիկոսը հիւրընկալեց ՀՀ ԳԱԱ նախագահը

Օգոստոսի 30-ին Ն.Ս.Օ.Տ.Տ. Գարեգին Երկրորդ Ծայրագոյն Պատրիարք եւ Ամենայն Հայոց Կաթողիկոսը Վեհարանում հիւրընկալեց ՀՀ Գիտութիւնների Ազգային Ակադեմիայի  նախագահ Աշոտ Սաղեանին:

Վեհափառ Հայրապետը եւ ՀՀ ԳԱԱ  նախագահը գոհունակութեամբ անդրադարձան Հայ Եկեղեցու եւ Գիտութիւնների Ազգային Ակադեմիայի միջեւ ձեւաւորուած գործակցութեանը, ինչպէս նաեւ Ակադեմիայի արձանագրած մեծ դերակատարութեանը Հայաստանում հիմնարար գիտութիւնների տարբեր ճիւղերի զարգացման գործում:

Ամենայն Հայոց Հայրապետն իր օրհնութիւնն ու գնահատանքը   բերեց  ԳԱԱ նախագահին, Ակադեմիայի անդամներին ու գիտութեան նուիրեալներին, որոնք շարունակում են ազգային գիտական այս հաստատութեան լաւագոյն աւանդոյթները եւ իրենց գիտելիքներն ու փորձառութիւնը ծառայեցնում ի նպաստ հայրենիքի շէնացման ու հզօրացման: 

Զրուցակիցները կարեւորեցին առկայ մարտահրաւէրների պայմաններում երիտասարդ սերնդի մէջ ազգային-հոգեւոր արժեհամակարգի ամրապնդումը, հայրենիքի հանդէպ պատասխանատուութեան բարձրացումը, նաեւ երիտասարդ գիտնականների ներուժի բացայայտումը եւ գիտական գործունէութեան խթանումը:

Միացիր մեզ Տելեգրամում

Սեղմել այստեղ

Միացիր մեզ Յութուբում

Սեղմել այստեղ

Միացիր մեզ Տելեգրամում

Միացիր մեզ Յութուբում

Կիսուիլ