13.65c
Երեվան
չրք, հնս 10
Լարուած իրավիճակ կը տիրէ Լիբանանի հիւսիսային Աքքար նահանգի Ապտէ գաւառակին մէջ։
Ցուցարարները սովորականին պէս իջած են Ապտէ գաւառի հրապարակ՝ բողոքի իրենց ելոյթները շարունակելու նպատակով, որմէ ետք ալ նկատուած է, որ հակառակ տրուած հաւաստիացումներուն, բանակի զինուորներ հրահանգ ստացած են բռնի ուժով ցրել ցուցարարները։
Տեղի ունեցած է բախում, հրմշտուք, գրանցուած են վիրաւորներ։
Աւելի ուշ բանակի զինուորներ հեռացած են շրջանէն, սակայն մինչեւ այս պահը իրավիճակը կը շարունակէ մնալ լարուած։
Ապտէյի տարբեր ճանապարհներ կը շարունակեն մնալ փակուած։
Յիշեցնենք, որ այսօր ամբողջ օրը դրութիւնը եղած է խաղաղ եւ Պէյրութի ու շրջաններու տարբեր ճանապարհներ վերաբացուած են բանակի կողմէ իրականացուած մեղմ քայլերուն ճամբով։
Սակայն երեկոյեան ժամերուն տարբեր շրջաններու մէջ հարիւրաւոր ցուցարարներ դարձեալ իջած են փողոց եւ փակած կարգ մը գլխաւոր ճանապարհներ։
Իրավիճակը Լիբանանի մէջ յղի է անկանխատեսելի զարգացումներով։
