15.09c
Երեվան
հնգ, հկտ 15
Թուրքիա ապաստանած սուրիացի փախստական ընտանիքի նորածին երեխան սովի պատճառով մահացած է: Թրքական «Odatv.com» լրատուակայքի տեղեկացմամբ՝ Ճումա անունով երեխան 13 օրական էր:
Սուրիոյ քաղաքացիական պատերազմէն փախելով՝ ընտանիքը հաստատուած էր Թուրքիոյ Եալովա նահանգին մէջ: Այդտեղ, անոնք քանի մը այլ փախստական ընտանիքներու հետ ապաստանած էին կիսաւեր փայտաշէն տնակի մէջ:
13 օր առաջ ծնած փոքրիկը լրացուցիչ արհեստական սնունդի կարիք ունեցած է, սակայն որեւէ աշխատանք կամ այլ նիւթական աղբիւր չունեցող ընտանիքը չէ կրցած երեխային սնունդը ապահովել: Սովէն անդադար լացող երեխան յանկարծ երկար ժամանակ լռած է, անհանգստացած մայրը ստուգած է ու տեսած, որ երեխան մահացած է:
