-4.91c
Երեվան
չրք, հնվ 28
Թուրքիան եւ Ատրպէյճանը կը հերքեն Լեռնային Ղարաբաղի տարածաշրջանէն ներս սուրիացի վարձկաններուն կռուելու փաստը, սակայն անոնցմէ 4-ը BBC-ի հետ զրոյցի ընթացքին յայտնած են, որ զիրենք սկզբնապէս հաւաքագրած են Ատրպէյճանի մէջ պահակային ծառայութեան մասնակցելու համար, սակայն անսպասելիօրէն ուղարկած են ռազմաճակատի առաջնագիծ:
Սուրիացիներու մէկուն խօսքով՝ Ատրպէյճանի մէջ առաջարկուող «աշխատանքի» մասին երկրի հիւսիսային շրջաններուն մէջ լուրեր տարածել սկսած են այս տարուայ օգոստոսին:
«Ընկերներէս մէկը ինծի ըսաւ, որ շատ լաւ աշխատանք կայ, որ կարելի է ընել, պէտք է պարզապէս ըլլալ Ատրպէյճանի ռազմական անցակէտերը»,- պատմած է վարձկաններէն մէկը:
Մէկ այլ վարձկանի խօսքով՝ իրենց աշխատանք առաջարկած են որպէս սահմանային խաղաղապահներ, որու համար իրենց ամսական 2000 տոլար առաջարկած էին:
Սակայն իրականութեան մէջ աշխատանքը այն չէր, ինչ իրենք կը մտածէին: «Ես ողջ մնալու յոյս չունէի, մահը մեր շուրջբոլորն էր»,- ըսած է պարբերականի զրուցակիցը:
«Ամենածանր պահը այն ժամանակն էր, երբ զինակից ընկերներէս մէկը հարուածի տակ ինկաւ: Այդ տեղի ունեցաւ ինձմէ 20 մեթր հեռաւորութեամբ, ուր ինկած էր արկը: Ես տեսայ զինք ինկած ատեն: Ան ինձ ձայն կու տար, կը բղաւէր: Սակայն անոր տեղը կը գտնուէր հայկական թնդանօթներու տեսադաշտին տակ, ես չէի կրնար օգնել իրեն: Ան պարզապէս այնտեղ ալ մահացաւ»,- պատմած է Իսմայիլ անունով վարձկանը, որ հետագային նոյնպէս հիւանդանոց փոխադրուած էր բեկորային վնասուածքով:
