19.09c
Երեվան
հնգ, մյս 07
Ոստիկանութեան Էրէբունիի ՊՊԾ գունդի մէջ եղող «Սասնայ ծռեր» խումբի երկու զինեալներ վիրաւորուած են: Այս մասին տեղեկութիւնը կը հաղորդէ «Նախախորհրդարան»ը, որ նաեւ կը յաւելէ, թէ երէկ առաւօտեան վաղ ժամերուն ոստիկանութիւնը կրակ բացած է ՊՊԾ տարածքին մէջ եղող «Սասնայ ծռեր» խումբի տղոց ուղղութեամբ, որուն հետեւանքով երկու զինեալներ՝ Աշոտ Պետրոսեանն ու Յովհաննէս Յարութիւնեան վիրաւորուած ու ապա հիւանդանոց փոխադրուած են: Նոյն հաղորդագրութեան մէջ կը նշուի, որ առաւօտեան ժամը 7:00-ին Արթուր Սարգսեան անունով քաղաքացի մը իր սնունդով բեռնաւորուած ինքնաշարժով փորձած է հատել ոստիկանութեան կողմէ դէպի ՊՊԾ կեդրոն տանող փակուած ճամբան եւ հասնիլ զօրակայան: Սարգսեան ենթարկուած է ոստիկանութեան կրակներու բայց յաջողած է հասնիլ ներս: Ըստ «Նախախորհրդարան»ին, «Սասնայ ծռեր» զինեալներու խումբը նաեւ յայտնաբերած է, որ ՊՊԾ կեդրոնէն ներս եղող սպաները կը զբաղուէին «կաւատութեամբ»: Ըստ «Առաջին լրաատուական»ին, երէկ գիշեր զինեալները վար առած են ոստիկանութեաան կողմէ գործի դրուած անօդաչու թռչող սարք մը, որ կը փորձէր նկարահանումներ կատարել տարածքին վերեւ:
