17.09c
Երեվան
հնգ, հկտ 22
Ռուսական լրատուական միջոցները փոխանցած են, որ սուրիական Հմէյհէմի եւ Թարթուսի ռուսական ռզմակայաններու գլխաւոր հրամանատարութիւնը հրահանգ ստացած է նշուած ռազմակայաններու 2G եւ 3G համացանցային կապը անջատելու:
Հրահանգին համաձայն, Սուրիոյ մէջ գտնուող բոլոր ռուսական ռազմակայաններու համացանցային ծառայութիւնները պիտի կասեցուին մինչեւ 30 մարտ, իսկ Թարթուսի ռազմակայանին մէջ՝ մինչեւ 1 յուլիս:
Ռուսիոյ Պաշտպանութեան նախարարութեան աղբիւրին տեղեկացմամբ, նման որոշում կայացուած է, նկատի ունենալով, որ որոշ լրտեսական սարքեր հեռախօսահամարներու միոցով սկսած են հետեւիլ եւ թիրախաւորել ռուսական ռազմակայանները:
Հրահանգին մէջ նշուած է նաեւ, որ Հմէյհէմի եւ Թարթուսի ռզմակայաններուն մէջ համացանցային ծառայութեամբ օժտուած համակարգիչներու սենեակներ պիտի հիմնուին, ուրկէ զինուորներուն հնարաւորութիւն պիտի ընձեռնուի իրենց հարազատներուն հետ կապ հաստատելու:
