9.09c
Երեվան
ուրբ, մյս 08
Ըստ թրքական աղբիւրներու, անցեալ հոկտեմբերին, Մարդկային Իրաւանց Եւրոպական Ատեանի Վերին պալատին առջեւ տարած իր յաղթանակէն ետք, թուրք ծանօթ ժխտող Տողու Փէրինչէք այժմ գրեթէ ձեռք ձգած է Վօ նահանգի դատարանին կողմէ իր դէմ արձակուած վճիռին ջնջումը: Դաշնակցային դատարանը ընդառաջած է անոր դիմումին եւ ջնջած է ցեղապաշտական խտրականութեան մեղադրանքով Վօ նահանգի դատարանին կողմէ անոր դատապարտումը եւ թղթածրարը ղրկած է Վոյի դատարան, անկէ պահանջելով, որ նոր վճիռ արձակէ եւ ենթական անպարտ հռչակէ: Փէրինչէք, Լօզանի Ոստիկանական դատարանին կողմէ դատապարտուած էր 2007-ին, վերոնշեալ մեղադրանքով: Մինչդեռ, սկիզբը, թէ՛ Վոյի, թէ՛ ալ Դաշնակցային դատարանները հաստատած էին Փէրինչէքը դատապարտող այդ վճիռը, Հայոց ցեղասպանութիւնը «միջազգային սուտ» յորջորջող իր արտայայտութիւնը դատելով պատժելի:
