29.09c
Երեվան
երկ, սպտ 14
Տխրունի Ուսանողական Երիտասարդական Միութիւնը շաբաթ օր հրապարակեց հաղորդագրութիւն մը եւ Մար Մխայեի մէջ բացիկներ բաժնեց անցորդներուն, տեղեկացնելով ղարաբաղեան վտանգաւոր զարգացումներուն եւ ատրպէյճանական ահաբեկչական գործողութիւններուն մասին: «Հակառակորդը պատերազմական լայնածաւալ գործողութիւններ կատարած է: Թշնամին կրակ բացած է նաեւ բնակավայրերու ուղղութեամբ: Ատրպէյճանական ուժեր փորձած են ներթափանցում կատարելով գրաւել հայկական դիրքեր, սակայն ձախողութեան մատնուելով ստացած են արժանի հակահարուած եւ ետ մղուած: Տխրունի Ուսանողական Երիտասարդական Միութիւնը յաւելեալ լարուածութեան ամբողջական պատասխանատուն կը համարէ հակառակորդը, ինչպէս նաեւ աշխարհասփիւռ հայութեան կոչ կ՛ուղղէ ցոյցեր կազմակերպելու Ատրպէյճանի դեսպանատուններուն առջեւ». Ըսուած է հաղորդագրութեան մէջ:
Իսկ Հայաստանի մէջ կուսակցութեան մամլոյ դիւանը հաղորդագրութեամբ մը յայտարարեց, որ Ատրպէյճանի կատարածը ահաբեկչութիւն է ու ապտակ՝ միջազգային հարութեան: «Մենք վստահ ենք , որ Արցախի զինուած ուժերոու պատասխան գործողութիններուն հետեւանքները երկար պիտի անդրադառնան թշնամիի բարոյական եւ քաղաքական իրավիճակին վրայ: Մենք գործ ունինք ակնյայտ բռնութիւններու հետ, որոնց պէտք է տրուի անհամաչափ պատասխան: ՍԴՀԿ վստահ է, որ Ատրպէյճանի լկտի գործողութիւնները համաձայնեցուած են Ալիեւի եւ Թուրքիոյ նախագահի միջեւ, տարածաշրջանին մէջ ընդհանուր լարուածութիւն ստեղծելու համար». Ըսուած է ՍԴՀԿ Հայաստանի Շրջանի Վարիչ Մարմնի յայտարութեան մէջ: Նիւթի աղբիւր, Պէյրութի «Արարատ» Օրաթաթերթ:
