19.09c
Երեվան
հնգ, հկտ 02
ՄԱԿ-ի Անվտանգութեան խորհուրդը ԼՂ հակամարտութեան գօտին վրայ իրավիճակի լարուածութեան շուրջ տեղի ունեցած փակ քննարկմէն ետք յայտարարութիւն տարածած է:
Յայտարարութեան մէջ մասնաւորապէս ըսուած է․
«ՄԱԿ-ի Անվտանգութեան խորհուրդի անդամները անհանգստացած են ԼՂ հակամարտութեան գօտիի երկայնքով լայնածաւալ ռազմական գործողութիւններու մասին հաղորդումներուն առնչութեամբ: Անոնք վճռականօրէն կը դատապարտեն ուժի գործադրումն ու ափսոսանք կը յայտնեն մարդկային ու քաղաքացիական զոհերու առնչութեամբ:
ՄԱԿ-ի Անվտանգութեան խորհուրդի անդամները աջակցած են Գլխաւոր քարտուղարին` կողմերուն ուղղուած կոչին` անյապաղ դադրեցնելու ռազմական գործողութիւնները, նուազեցնելու լարուածութիւնը ու անմիջապէս վերադառնալու կառուցողական բանակցութիւններու:
ՄԱԿ-ի Անվտանգութեան խորհուրդի անդամները յայտարարած են ԵԱՀԿ Մինսքի խումբի համանախագահներու կեդրոնական դերակատարութեան լիակատար աջակցութեան մասին ու կոչ ըրած են կողմերուն համագործակցելու անոնց հետ` առանց նախապայմաններու երկխօսութիւնը շուտափոյթ վերսկսելու համար»:
