15.09c
Երեվան
ուրբ, հկտ 02
Մոսկուա- («Ալ-Տիար»- Պէյրութ)- Ռուսիոյ արտաքին գործոց նախարար Սերկէյ Լաւրովը, ուրբաթ, 8 ապրիլին յայտարարած է, թէ ռազմական ուժի կիրառումը Լեռնային Ղարաբաղի տարածաշրջանին անընդունելի է: Այս մասին կը տեղեկացնէ լիբանանեան «Ալ-Տիար»ը, նշելով, որ Լաւրով ուրբաթ օր Մոսկուայի մէջ իր հայ գործընկերոջ՝ Նալպանտեանին հետ ունեցած հանդիպման ժամանակ նշած է, որ հակամարտութեան գօտիներու վրայ անվտանգութեան իրավիճակի վատթարացման վերջին շրջանին Ռուսաստանը ջանքեր գործադրած է հրադադարի հաստատման գծով, յայտնելով հրադադարի պայմանաւորուածութեան հաւատարիմ մնալու եւ բախումներու կրկնութիւնը կանխելու համար քայլեր ձեռնարկելու անհրաժեշտութիւնը, ինչպէս նաեւ Մինսքի բանակցութիւնները վերսկսելու բարենպաստ պայմաններ ստեղծելու կարեւորութիւնը:
Իր հերթին, Նալպանտեան նշած է, որ հակամարտութիւններու սրումը վնասած է բանակցային գործընթացին եւ Մինսքի խմբակի ղեկավարներու ջանքերուն, կոչ ընելով «հրատապ քայլեր ձեռնարկել, վերականգնելու համար իրավիճակի կայունացումը»:
Այսպիսով երկու կողմերը կարեւորած են Մինսքի խմբակի երեք նախագահներու (Ռուսիոյ, Ֆրանսայի եւ ԱՄՆ-ի) ներկայացուցիչներու առաջարկներու գործադրումը՝ կապուած զինադադարի որոշման, ինչպէս նաեւ Լաւրով իր հայ գործընկերոջը տեղեկացուցած է Ազրպէյճանի մայրաքաղաք Պաքուի մէջ իր ունեցած հանդիպումներու եւ քննարկումներու մասին:
