18.09c
Երեվան
ուրբ, հկտ 23
Իրաք պաշտօնապէս դատապարտած է Սուրիոյ եւ Իրաքի մէջ «Իսլամական Պետութիւն» ահաբեկչական խմբաւորման դէմ պայքարող ուժերուն ուղղուած հարուածները:
«Ալ Ժատիտ» լրատուական կայքին փոխանցմամբ, Իրաքի Արտաքին գործոց նախարարութիւնը յայտարարութիւն մը հրապարակած է, ուր դատապարտած է Սուրիոյ կառավարական ուժերուն դէմ ուղղուած Միջազգային դաշնութեան հարուածը, որուն մասին յայտարարած էին սուրիական լրատուամիջոցները:
Նախարարութեան յայտարարութեան մէջ նշուած է, որ թէ' Սուրիոյ, թէ' Իրաքի մէջ «Իսլամական Պետութիւն» խմբաւորման դէմ պայքարող ուժերուն ուղղուած որեւէ հարուած դատապարտելի է, որովհետեւ յիշեալ խմբաւորումը համայն մարդկութեան վտանգաւոր թշնամին է:
Նախարարութիւնը կոչ ուղղած է բոլոր երկիրներուն համախմբուելու եւ ծայրայեղական խմբաւորումներու դէմ համատեղ պայքար մղելու:
