20.23c
Երեվան
ուրբ, հլս 24
1 Մայիսին, ժամը 22:43-ին «911» ծառայութիւնը ահազանգ ստացած է, որ հրդեհ բռնկած է Շիրակի մարզի Հովունի գիւղի անասնագոմերէն մէկուն մէջ: Այս մասին կը հաղորդէ NEWS.am-ը:
Դէպքի վայր մեկնած է ԱԻՆ ՓԾ հրշէջ-փրկարարական ջոկատէն չորս մարտական հաշուարկ:
Պարզուած է, որ հրդեհը բռնկած է Հովունի գիւղի 5-րդ նրբանցքի թիւ 1/3 հասցէին վրայ գտնուող անասնագոմին մէջ (մօտ 1400 քմ):
Հրշէջ-փրկարարները գիւղացիներու հետ համատեղ անասնագոմէն դուրս բերած են 80 խոշոր եղջերաւոր անասուն:
Անասնագոմի աշխատակիցներ Մ.Մ.-ն (1975-ի ծնունդ), Գ.Գ.-ն (1999-ի ծնունդ) եւ Լ.Գ.-ն (2000-ի ծնունդ) Գիւմրիի հիւանդանոց տեղափոխուած են, ուր ստանալով համապատասխան բուժօգնութիւն՝ դուրս գրուած են:
Հրդեհը մեկուսացուած է ժամը 02:10-ին, մարած՝ 18:12-ին:
Այրած են անասնագոմի տանիքի փայտեայ կառուցատարրերը (մօտ 20 քմ) եւ անասնագոմի մէջ պահեստաւորած անասնակեր (մօտ 3500 հակ):
