16.87c
Երեվան
չրք, հլս 01
Հետաքննող լրագրող եւ «Հետք» կայքի խմբագրակազմի անդամ Զարուհի Մէջլումեանի կարծիքով, ՀՀ անկախութեան 25-րդ տարեդարձին առթիւ կարգ մը բանտարկեալներու համաներում շնորհելու մասին խօսքերը մինչեւ այս պահը կը մնան սոսկ «ասեկոսէներ»ու ծիրին մէջ: Մէջլումեան, որ մասնակցած է «Առաջին լրատուական» կայքէն հեռարձակուող Արման Ղարիպեանի «Մամուլի հետ սուրճ» հեղինակային յայտագրին, ըսած է, թէ ընդհանրապէս համաներման օրէնքի կարիք չէր ըլլար, եթէ Հայաստանի դատա-իրաւական համակարգը ինքզինք սրբագրելու մէքանիզմներ ունենար: Ան նաեւ նկատել տուած է, որ համաներման օրէնքը առիթ է, որ դատական համակարգը սրաբագրէ իր բացթողումները: Նշենք, որ անցնող օրերուն Հայաստանի հասաարակութեան լայն խաւերուն կողմէ խօսակցութիւն նիւթ դարձած է տասնեակ կալանաւորներու ազատ արձակման համար հրապարակուելիք համաներման օրէնք մը եւ ըստ այդ խօսակցութիւններուն համաներումը պիտի ըլլայ աննախընթաց:
