17.09c
Երեվան
հնգ, հկտ 15
Գերմանիոյ կառավարութիւնն ու հասարակութիւնը դէմ են Թուրքիոյ մէջ գերմանական թանկերու արտադրութեան: Այս մասին յայտնաղ է թրքական «Türkiye» թերթի կայքը:
Մէկ կոմէ՝ գերմանական «Rheinmetall» խոշորագոյն ռազմարդիւանբերական ընկերութիւնը երեք տարուայ ընթացքին այս թեմայի վերաբերեալ շուրջ 20 հանդիպում ունեցած է Գերմանիոյ Տնտեսութեան նախարարութեան հետ: Սակայն ընկերութիւնը այդպէս ալ չէ յաջողած Թուրքիոյ մէջ թանկերու արտադրութեան թոյլտուութիւն ստանալ: «Rheinmetall»-ի յայցը պարբերաբար մերժած է նաեւ Պունտեսթակի համապատասխան յանձնաժողովը:
Միւս կողմէ՝ գերմանացիներու հոծ խումբ մը ցոյցի դուրս եկած է՝ բողոքելով Թուրքիոյ մէջ գերմանական թանկերու գործարան հիմնելու դէմ: Պերլինի մէջ կազմակերպուած ցոյցի ժամանակ մարդիկ պատրաստած են թանկի մաքեթ, ապա ձեւացնելով, թէ թրքական թանկը կը գրոհէ իրենց վրայ, ձեռքերը վեր բարձրացնելով գետին ինկած են:
Ցոյցի ժամանակ նաեւ վանկարկած են «Ոչ մէկ թանկ Էրտողանին» կարգախօսը, օգտագործուած են նաեւ նոյն կարգախօսը կրող պաստառներ:
Աւելի վաղ Գերմանիոյ Տնտեսութեան նախարարութեան խօսնակը նշած էր, որ Թուրքիոյ մէջ գործարան հիմնելու համար գերմանական ընկերութիւնը որեւէ թոյլտուութեան կարիք չունի: Սակայն թեխնոլոկիաներու տեղափոխման համար անհրաժեշտ է կառավարութեան յատուկ թոյլտուութիւնը:
Յայտնի է նաեւ, որ Գերմանիոյ կառավարութիւնը մտավախութիւն ունի, թէ գերմանական թեխնոլոկիաներով յագեցած ռազմամթերքը կրնայ օգտագործուիլ Թուրքիոյ հարաւ-արեւելեան շրջանին մէջ՝ «Քիւրտիստանի բանուորական» կուսակցութեան (PKK) դէմ մարտական գործողութիւններու ժամանակ: Ինչի պատճառով ալ նախագիծը կը մերժուի:
