15.09c
Երեվան
հնգ, հկտ 15
Ֆրանսայի նախագահ Էմանուէլ Մաքրոն Սուրիոյ տագնապին վերաբերեալ աննախընթաց յայտարարութիւններ ըրած է: «Ասատ թէեւ իր ժողովուրդին «թշնամին» է, բայց եւ այնպէս ան մեր (Ֆրանսայի) թշնամին չէ»,- ըսած է Մաքրոն, նկատել տալով նաեւ, որ իրենց համար ներկայ պահուն Ասատի հեռանալը հիմնական պահանջ մը չէ:
«Ասատը փոխարինող օրինական մէկը չկայ»,- ըսած է Ֆրանսայի նախագահը, աւելցնելով, որ «մեր պայքարը ահաբեկիչներուն դէմ է եւ մեզի համար կարեւոր է, որ Սուրիան «ձախող պետութիւն» մը չդառնայ»: ,Մաքրոն նաեւ շեշտած է, որ ահաբեկիչներուն դէմ պայքարին համար իրենք պատրաստ են համագործակցիլ Ռուսաստանի հետ: Յիշեցնենք, որ Ֆրանսայի մէջ եղած ահաբեկչական գործողութիւններուն հետեւանքով զոհուած են 230 անձեր, եւ, ըստ Մաքրոնի, այդ ահաբեկիչները Ֆրանսայ թափանցած են Միջին Արեւելքէն:
