Ալ Սըխնա գաւառին մէջ Տահէշի դէմ տարուած սպասելի յաղթանակէն ետք Սուրիոյ բանակը կը պատրաստուի բանալու Տէր Զօրի ճակատը:
Այս մասին տեղեկութիւնը կը փոխանցէ լիբանանեան «Ալ Ախպար»ը նշելով նաեւ, որ երկար ժամանակէ ի վեր պաշարման տակ ինկած Տէր Զօրի ազատագրումը կարեւոր կէտ պիտի հանդիսանայ,ոչ միայն Սուրիոյ պատերազմի վերջին զարգացումներուն ֆոնին, այլ նաեւ ահաբեկչութեան դէմ ընդհանուր պայքարի ծիրէն ներս:
Նոյն խնդրին անդրադարձած է Ռուսաստանի պաշտպանութեան նախարար Զօր. Սէրկէյ Շոյկու, որ դիտել տուած է,թէ Տէր Զօրի ազատագրումը մահացու հարուած պիտի ըլլայ «Տահէշ»ին:
Յիշեցնենք, որ անցնող երեք տարիներուն Տէր Զօրը անցած է «Տահէշ»ի տիրապետութեան տակ:
Ըստ նախնական տուեալներու դէպի Տէր Զօր զինուորական գործողութիւնները Սուրիոյ բանակը պիտի սկսի Քապապէճ նահանգէն:
Նաւթով եւ տարբեր բարիքներով հարուստ այդ նահանգին մէջ ապրող փոքրամասնութիւնները, որոնց կարգին նաեւ հայերը պայմաններու բերումով եւ իրենց ունեցուածքները ձգելով հեռացած են շրջանէն:
Միացիր մեզ Տելեգրամում
Միացիր մեզ Յութուբում
Կիսուիլ
