23.09c
Երեվան
շբթ, մյս 09
Ուքրանիոյ նախագահ Վլատիմիր Զելենսքին աշխատանքային այցով մեկնած է Վրաստան՝ մասնակցելու «Եռեակ ընկերակցութեան» ձեւաչափով գործունէութեան, կը յայտնէ korrespondent.net լրատուականը՝ յղում տալով նախագահի մամուլի ծառայութեան։
Այցի շրջածիրէն ներս Զելենսքին կը նախատեսէ սկսիլ Ուքրանիոյ, Վրաստանի եւ Մոլտովայի` «Association trio»-ի ձեւաչափով գործունէութիւնը՝ պետութիւններու ղեկավարներու մակարդակով։ Երեք երկիրներու ղեկավարները «Եռեակ ընկերակցութեան» գագաթնաժողովի հռչակագիր պիտի ստորագրեն եւ համատեղ հանդիպում ունենան Եւրոպական խորհուրդի նախագահ Շարլ Միշելի հետ:
Զելենսքին, Վրաստանի նախագահ Սալոմէ Զուրապիշվիլին եւ Մոլտովայի Հանրապետութեան նախագահ Մայա Սանտուն ԵԽ նախագահ Շարլ Միշելի հետ պիտի մասնակցին նաեւ Պաթումի միջազգային խորհրդաժողովին։
Լրատուականը յիշեցուցած է Մայիսին Ուքրանիան, Վրաստանը եւ Մոլտովան արտաքին գործոց նախարարներու մակարդակով պայմանաւորուած էին արագցնել եւրոպական համարկումը, որ սատարած էր ԵՄ-ն։
