19.03c
Երեվան
հնգ, հնս 18
Հայաստանի առաջատար բռնցքամարտիկ, Թոքիոյի Ողիմպիական խաղերու պրոնզէ մետալակիր, աշխարհի եռակի պրոնզէ մետալակիր Յովհաննէս Պաչքով երրորդ անգամ նուաճեց Եւրոպայի ախոյեանի տիտղոսը:
Երեւանի Կարէն Դէմիրճեանի անուան մարզահամերգային համալիրին մէջ տեղի ունեցող առաջնութեան 63,5 քկ քաշային կարգի աւարտական մրցումին Յովհաննէս Պաչքովը մենամարտեց Ֆրանսայի ներկայացուցիչ Լունէս Ամրաոիի հետ եւ յաղթանակ տարաւ մրցավարներու միաձայն որոշմամբ: Երեք փուլերուն ալ Պաչքովը յաղթեց 5:0 արդիւնքով: Երրորդ փուլին նաեւ նոքթաունի ենթարկեց մրցակիցը:
Սա Յովհաննէս Պաչքովի երրորդ ախոյեանութիւնն է: Առաջին անգամ կիւմրեցի բռնցքամարտիկը ախոյեան դարձած էր 2017 թուականին Խարքովի մէջ տեղի ունեցած Եւրոպայի ախոյեանութեան:
Երկրորդ ոսկէ մետալը նուաճած էր 2019 թուականին Մինսքի մէջ տեղի ունեցած Եւրոպական խաղերուն, որ այդ տարի կը փոխարինէր Եւրոպայի ախոյեանութեան:
