-1.91c
Երեվան
չրք, դկտ 24
ԱՄՆ պետական քարտուղար Անթոնի Պլինքըն կը վստահեցնէ, որ Արեւմուտքը չի ձգտիր ձգձգել ռազմական գործողութիւններ Ուքրանիոյ մէջ, ինչպէս նաեւ կոչ կ'ընէ Ռուսիոյ աւարտելու յատուկ ռազմական գործողութիւն իրականացնել այս երկրին մէջ:
«Մենք եւս մէկ անգամ կոչ կ'ընենք նախագահ Փութինին անյապաղ դադրեցնելու այս հակամարտութիւնը եւ բոլոր տառապանքներն ու համաշխարհային ցնցումները, որոնք յառաջացուցած է իր ընտրած պատերազմը: Ո՛չ Միացեալ Նահանգները, ո՛չ մեր դաշնակիցներն ու գործընկերները կը ձգտին երկարացնել այս պատերազմը` Ռուսիոյ վնաս պատճառելու համար», կ'ըսուի Պլինքընի յայտարարութեան մէջ:
Ամերիկեան արտաքին քաղաքականութեան բաժանմունքի ղեկավարին խօսքով` ԱՄՆ-ն «ահռելի յարգանք կը տածէ Ռուսիոյ քաղաքացիներուն նկատմամբ» եւ զանոնք որպէս թշնամի չի տեսներ եւ արժանի ապագայ կը մաղթէ:
Միաժամանակ Պլինքըն կ'ընդգծէ ԱՄՆ-ի ցանկութիւնը` փորձել ուժեղացնել Ուքրանիոյ ռազմական ներուժը:
«Ինչպէս յայտարարած է նախագահ Պայտընը, մեր նպատակը պարզ է. Միացեալ Նահանգները կը փափաքի ունենալ ժողովրդավար, անկախ, ինքնիշխան եւ բարգաւաճ Ուքրանիա` ապագայ յարձակումէն զսպելու եւ պաշտպանելու միջոցներով», կ'ըսուի յայտարարութեան մէջ:
Պլինքընի խօսքով` ԱՄՆ-ն կ'աջակցի Ուքրանիոյ, կ'օգնէ անոր պաշտպանել «ինքնիշխանութիւնն ու տարածքային ամբողջականութիւնը», «վերակառուցել այս պատերազմի աւարտէն յետոյ»:
«Ուքրանիան պիտի յաղթէ», յայտարարած է պետական քարտուղարը:
