26.09c
Երեվան
երք, սպտ 01
Օրերս լոյս տեսած է այ բանահիւսութեան անխոնջ հաւաքորդ ու հետազօտող՝ Վերժինէ Սվազլեանի նոր աշխատութիւնը «Ռուսաստանի հայերի բանաւոր աւանդոյթի նշխարներ» վերնագիրով:
Վաստակաշատ բանահաւաքը այս անգամ ի մի բերած է Տոնի Ռոստովի եւ Փիատիկորսքի հայերու հին եւ համեմատաբար նոր ժողովրդական ստեղծագործութիւնները, որոնք գրի առնուած են իր կողմէ:
Նոր Նախիջեւանի հիմնադրութեան 240-ամեակին նուիրուած եռալեզու՝ հայերէն, ռուսերէն եւ անգլերէն գիրքը (247 էջ) լոյս տեսած է ՀՀ Գիտութիւններու Ազգային Ակադեմիոյ (ԳԱԱ) հնագիտութեան եւ ազգագրութեան հիմնարկի գիտական խորհուրդի որոշումով, «Էտիդ պրինտ» տպագրատան կողմէ, խմբագրութեամբ՝ ԳԱԱ թղթակից անդամ՝ Սարգիս Յարութիւնեանի, ռուսերէն թարգմանութեամբ՝ Գայանէ Յարութիւնեանի, իսկ անգլերէն՝ Տիգրան Ծուլիկեանի:
Լուրը՝ «Ազգ»-էն:
