32.09c
Երեվան
երկ, հնս 02
Թուրքիան մտադիր Է Սուրիոյ տարածքին մէջ ռազմակայաններ ստեղծել ահաբեկչութեան դէմ պայքարի շրջածիրէն ներս։ Այս մասին յայտնած է «Türkiye» թերթը ՝ վկայակոչելով թրքական անվտանգութեան մարմիններու մէջ իր աղբիւրը։
Աղբիւրը նշած է, որ Անգարան Սուրիոյ իշխանութիւններուն օգնութիւն պիտի ցուցաբերէ բանակի եւ անվտանգութեան ուժերու կազմակերպման հարցով:
«Աղբիւրները նշած են, որ Թուրքիոյ զինուած ուժերը Սուրիոյ մէջ պիտի ստեղծեն ռազմաօդային եւ ռազմածովային կայաններ՝ «Իսլամական պետութեան» դէմ պայքարելու համար», - հաղորդած է հրատարակութիւնը։
Պարբերականի տուեալներով՝ «Իսլամական պետութեան» դէմ պայքարի շրջածիրէն ներս Սուրիոյ մէջ հինգ երկիրներու, այդ շարքին՝ Թուրքիոյ կանոնաւոր հանդիպումներ կը կայնան, որոնք կը քննարկեն խմբաւորման դէմ պայքարի մեքենականութիւնը: Ընդ որում՝ չէ յստակեցուած, թէ ուրիշ որ երկիրները ներգրաւուած են բանակցութիւններուն մէջ։
