8.09c
Երեվան
երկ, մրտ 30
Թուրքիան, Մոնթրոյի ուխտի ընձեռած իրաւունքներու համաձայն, հնգապատիկ պիտի աւելցնէ Պոսփորի եւ Տարտանելի նեղուցներով անցնելու գինը։ Տեղեկութիւնը յայտնած է «ՌԻԱ Նովոստի»ն`յղում ընելով «Sabah» թերթին։
«2022 թուականի 7 հոկտեմբերին նեղուցներու անցումներուն փարոսներու, տարհանման եւ բժշկական սպասարկման արժէքը հնգապատիկ պիտի աւելնայ, իսկ շահոյթը, որ այսօր 40 միլիոն տոլար կը կազմէ, պիտի հասնի 200 միլիոն տոլարի։ Ըստ Մոնթրոյի համաձայնագրի` Թուրքիան Պոլսոյ նեղուցով անցնող եւ Տարտանելի նեղուց մտնող եւ դուրս եկող նաւերէն փարոսներու, տարհանման եւ բժշկական սպասարկման համար գումար գանձելու իրաւունք ունի»,- գրած է թերթը։
Մոնթրոյի ուխտը ընդունուած է 1936 թուականին։ Այն կը պահպանէ առեւտրային նաւերու` նեղուցներով անցնելու ազատութիւնը ե՛ւ խաղաղ, ե՛ւ պատերազմական պայմաններուն, սակայն իւրաքանչիւր երկրի համար տարբեր պայմաններ կը գործէ։ Փաստաթուղթը կը սահմանափակէ Սեւ ծովուն մէջ ոչ սեւծովեան պետութիւններու ռազմանաւերու ներկայութիւնը 3 շաբաթ ժամկէտով։ Արտակարգ իրավիճակներու պարագային Թուրքիա կրնայ արգիլել կամ սահմանափակել զինուորականներու անցումը Պոսփորի եւ Տարտանելի նեղուցներով։
