22.09c
Երեվան
երք, սպտ 01
Թուֆենկյան բարեգործական հիմնադրամը վերջերս հայտարարեց «Ե՛կ, աշխարհը պիրինք Արցախ» նախաձեռության մեկնարկի մասին. նախաձեռնության շրջանակում Հայաստանի և Սփյուռքի հայտնի ու խոստումնալից հայ գործիչները պիտի այցելեն Արցախ ու հանրային ելույթներ ունենան այնտեղ:
««Ե՛կ, աշխարհը պիրինք Արցախ» նախաձեռնության նպատակն է ներգրավել և մոտիվացնել տեղի բնակչությանը և օգնել բարձրացնել Արցախի հեղինակությունը Հայաստանում և միջազգային մակարդակում», - բացատրեց Թուֆենկյան բարեգործական հիմնադրամի հասարակական կապերի տնօրեն Ռուբէն Ճանպազեանը: «Այցելությունները կներառեն ոչ միայն հանրային ելույթներ, այլ նաև կլոր սեղան-քննարկումներ, հանդիպումներ, ցուցահանդեսներ, թրեյնինգներ, եւ այլն, ըստ այցելուի»,- հավելեց Ճանպազեանը:
Նախաձեռնության առաջին հյուրերն են գրող, արձակագիր Արամ Ավետիսը՝ Երևանից, ու երգիչ, երգահան, ու գրող Ափօ Սահակեանը՝ Երուսաղեմից: Ավետեսի ու Սահակյանի այցերը կազմակերպվում է Համազգային հայ կրթական և մշակութային միության Արցախի գրասենյակի հետ համագործակցաբար:
Արամ Ավետիսի «Երբ առնետները կարդալ գիտեին» գրքի ներկայացումն ու հանրային ելույթը տեղի ունենալու է Կիրակի, Մայիսի 8-ին, երեկոյան ժամը 18:30-ին՝ «ԿԻՆԻ» ռեստորանում (Ստեփանակերտ, Թումանյան 95): Մուտքն ազատ է և բաց՝ հանրության. բոլոր ներկաներին նվերվելու է հեղինակի «Երբ առնետները կարդալ գիտեին» գրքից:
Ափօ Սահակեանի ակուստիկ ելույթը ունենալու է Կիրակի, Մայիսի 8-ին, երեկոյան ժամը 20:00-ին՝ Պոլ Էլյուարի Ֆրանկոֆոնիայի կենտրոնում (Ստեփանակերտ, Թումանյան 95): Մուտքն ազատ է և բաց՝ հանրությանը:
Մանրամասների համար խնդրում ենք կապ հաստատել Ռուբէն Ճանպազեանի հետ՝ rupen@tufenkian.org կամ զանգահարել +374-94-88-30-65 հեռախոսահամարով:
Արամ Ավետիս
Արամ Ավետիսը (Արամ Ավետիսյան) ծնվել է 1990 թվականի մայիսի 25-ին Երևանում։ Զինվորական ծառայությունից հետո՝ 2010 թվականին Արամն ընդունվել է Երևանի Թատրոնի և կինոյի պետական ինստիտուտի կինոգիտական բաժինը։ Բակալավրն ավարտելուց հետո՝ 2014-2016 թվականներին, սովորել է Երևանի Թատրոնի և կինոյի պետական ինստիտուտի մագիստրատուրայի կինոգիտության բաժնում։
Արամը սկսել է գրել 17 տարեկանից։ Առաջին քայլերն սկսել է բանաստեղծություններ գրելով։ 2016-ին ստացել է Սլավիկ Չիլոյանի անվան տարվա հայտնություն մրցանակը։ Որպես գրող՝ տպագրվել է տարբեր ամսագրերում։
«Կույր կետադրություն»-ը գրողի առաջին գիրքն է, որը վերատպվել է չորս անգամ. գիրքը եղել է 2018 թվականի «Անտարեսի» «XXI» մատենաշարի տարվա ամենաշատ վաճառված գիրքը։ 2019 թվականի մայիսի 25-ին տեղի է ունեցել գրողի երկրորդ գրքի՝ «Ճարտարապետական մուտացիա»-ի շնորհանդեսը։ Գիրքը հայտնվել է բեսթսելլերների շարքում մի քանի անգամ։
2020 թվականին տպագրվել է գրողի երրորդ գիրքը՝ «Երբ առնետները կարդալ գիտեին» վերնագրով, որը 2021 թվականին նոմինացվել է Եվրոպական միության գրական մրցանակին։
Ափօ Սահակեան
Ափօ Սահակեանը ծնվել և մեծացել է Երուսաղեմի հայկական թաղամասում՝ Հայոց ցեղասպանությունը վերապրած ընտանիքում: Նա կիթառ նվագել սովորել է տեղի հայկական դպրոց հաճախելիս, իսկ 13 տարեկանում սկսել է ստեղծագործել: 2013 թվականին նա հիմնեց իր սեփական արաբական փոփ-ռոք խումբը՝ Apo & the Apostles: Խումբը ունեցել է մի շարք տեղական և տարածաշրջանային հիթեր:
Ափօն հայտնի է նաև հայկական ժողովրդական երգերի իր մենակաբանություններով. նա համագործակցել է հայ երգիչների հետ (Արթուր Խաչենց, Անի Խառատյան) ու նրա մեկնաբանությունների ու ստեղծագործությունների շնորհիվ՝ նվիրյալ հետևորդներ է ձեռք բերել Հայաստանում և Սփյուռքում:
Ապրիլի 1-ին լույս է տեսել նրա «Մենք» ալբոմը՝ հայկական ժողովրդական և հեղինակային երգերի հավաքածոն:
