-4.91c
Երեվան
երք, դկտ 23
Միացեալ Նահանգներու նախագահ Տանըլտ Թրամփի վարչակազմը որոշում կայացուցած է ետ կանչելու աշխարհի շուրջ 30 երկրի մէջ դիւանագիտական առաքելութիւն կատարող դեսպանները եւ բարձրաստիճան դիւանագէտները։ Այս մասին հաղորդած է Associated Press-ը՝ յղում ընելով Արտաքին գործոց նախարարութեան անանուն պաշտօնեաներու։
Ըստ աղբիւրի, 30-էն 29-ին տեղեկացուած է, որ անոնց պաշտօնավարման ժամկէտը պիտի լրանայ յունուարին։
Նշուած է, որ վերոնշեալ դիւանագէտները պաշտօնները ստանձնած են Միացեալ Նահանգներու 46-րդ նախագահ Ճօ Պայտընի վարչակազմի օրօք:
Ամենամեծ թիւով ամերիկացի դեսպաններ ետ կը կանչուին Ափրիկէէն, ուր 13 երկրի մէջ Միացեալ Նահանգներու դիւանագիտական առաքելութիւններու ղեկավարները ստացած են աշխատանքէ ազատման ծանուցումներ:
Ասիոյ մէջ Թրամփի վարչակազմը ետ կը կանչէ դեսպաններ վեց երկրէ, այդ շարքին՝ Վիեթնամէն եւ Ֆիլիփիններէն:
Մերձաւոր Արեւելքի մէջ Ալճերիոյ եւ Եգիպտոսի մէջ գտնուող ամերիկացի աւագ դիւանագէտները ստացած են աշխատանքէ ազատման ծանուցումներ:
Քատրային փոփոխութիւնները պիտի վերաբերին նաեւ Հայաստանի, Հիւսիսային Մակեդոնիայի, Չեռնոկորիայի եւ Սլովաքիոյ մէջ Միացեալ Նահանգներու դեսպանատուներուն: Associated Press-ը հաղորդած է, որ այս դիւանագէտները պարտաւոր պիտի ըլլան վերադառնալ Ուաշինկթըն:
