9.09c
Երեվան
կրկ, մյս 19
Սպառազինութեան ոլորտի մէջ ռուսաստանեան ընկերութիւններու հետ ունեցած խնդրայարոյց հարցերը մեծամասամբ կարգաւորուած են, սակայն շարք մը խնդիրներ կը շարունակեն մնալ չլուծուած, «Ազատութեան» գրաւոր հարցին ի պատասխան յայնտնած են Պաշտպանութեան նախարարութենէն՝ չյստակեցնելով՝ արդեօք խօսքը 400 միլիոն տոլարի շրջածիրէն ներս իրականացուած մատակարարումներու մասին է:
Արցախեան երկրորդ պատերազմէն ետք Հայաստանի իշխանութիւնները ամենաբարձր մակարդակով կը դժգոհէին, թէ Ռուսիոյ միլիոնաւոր տոլարներ փոխանցած են, սակայն այդպէս ալ զէնք չեն ստացած:
Ռուսիոյ դեսպանը, մինչդեռ, մէկ ամիս առաջ պնդած էր, թէ ռազմատեխնիկական (ռազմական արհեստագիտութեան) համագործակցութեան ոլորտի մէջ Երեւանի եւ Մոսկուայի միջեւ կնքուած գրեթէ բոլոր պայմանագրերը աւարտած են ժամանակին:
Իշխանական պատգամաւորները միայն վերջերս յայտնեցին, որ Ռուսիան արդէն մատակարարումներ կ՚իրականացնէ: Պաշտպանութեան յանձնաժողովի անդամ Գագիկ Մելքոնեանը մօտ մէկ շաբաթ առաջ «Ազատութեան» ըսած էր, որ ռուսական զէնքի մէկ խմբաքանակ արդէն Հայաստան հասած է:
