9.09c
Երեվան
երկ, մրտ 30
Նկատի ունենալով Լիբանանի շարունակուող տնտեսական տագնապալի կացութիւնը եւ լիբանանահայութեան օրըստօրէ բազմացող անմիջական կարիքները` քանատահայ ազգային բարերար Շաքէ Կէօնճեան 50 հազար քանատական տոլար նուիրեց Կիլիկիոյ կաթողիկոսութեան եւ Լիբանանի հայ համայնքին: Տիկին Կէօնճեան նուիրատուութեան վճարագիրը անցնող շաբաթավերջին յանձնեց ՀՅԴ Բիւրոյի ներկայացուցիչին:
Նշենք նաեւ, որ 2021 թուականի սեպտեմբերին տիկին Կէօնճեան, անսալով ՀՅԴ Բիւրոյի լիբանանահայութեան ձեռք երկարելու կոչին, 50 հազար տոլար նուիրած էր:
Շ. Կէօնճեանի փափաքով Լիբանանի ազգային, կրթական, բարեսիրական եւ մամուլի մեր կառոյցներու կարիքներուն համար նախատեսուած այս նոր նուիրատուութիւնը պիտի բաշխուի հետեւեալ ձեւով.
$ 20.000 Մեծի Տանն Կիլիկիոյ կաթողիկոսութեան
$ 10.000 Ազգային Միացեալ վարժարանին
$ 10.000 Մ. եւ Հ. Արսլանեան Ճեմարանին
$ 5000 ԼՕԽ-ին
$ 5000 «Ազդակ»-ին
Ազգային բարերար տիկին Շաքէ Կէօնճեանի Լիբանանի հայութեան երախտարարութիւնները պերճախօս վկայութիւններ են իր ազգասէր ոգիին եւ ազգին անմնացորդ սատարելու իր հաւատարմութեան:
