-0.91c
Երեվան
երք, փտր 11
Պոլսոյ Պատրիարքական ընտրութիւններու վերաբերեալ Թուրքիոյ մարմիններուն համաձայնութիւնը կրնայ հրապարակուիլ երկրին մէջ նախատեսուած սահմանադրական հանրաքուէէն ետք: Այս մասին այսօր տեղեկութիւնը կը փոխանցէ Պոլսոյ «Ժամանակ» օրաթերթը նշելով նաեւ, որ տուեալ տեղեկութիւնը Թուրքիոյ նախագահ Էրտողան փոխանցած է պոլսահայ համայնքի յայտնի գործիչ (Սուրբ Փրկիչ հիւանդանոցի հոգաբարձութեան եւ VADIP-ի ատենապետ) Պետրոս Շիրինօղլուին: Աղբիւրը նաեւ նշած է, որ Շիրինօղլու երէկ Անգարայի մէջ Էրտողանի հետ իր ունեցած հանդիպման ընթացքին քննարկած է համայնքը յուզող տարբեր խնդիրներ ու խօսք եղած է նաեւ HDP կուսակցութեան անդամ եւ Թուրքիոյ խորհրդարանի հայազգի անդամ Կարօ Փայլանի մասին:
Յիշեցնենք, որ թրքական մամուլին կողմէ շրջանառուող տուեալներու համաձայն Թուրքիոյ մէջ համապետական հանրաքուէն պիտի կայացուի յառաջիկայ ապրիլին:
Տակաւին կ'անդրադառնանք:
