Թուրքիա- («Տէյլի Սապահ») Զինեալ բախումները կը շարունակուին Թուրքիոյ Հարաւ Արեւելեան նահանգներուն մէջ: Այս մասին գրած է «Տէյլի Սապահ»ը, որ նաեւ կը հաղորդէ, որ զինեալները յարձակած են զինուորական զրահապատ կառքի մը վրայ եւ գրոհին հետեւանքով սպաննուած են թուրք 3 զինուորներ: Յարձակումը եղած է ռումբերով եւ ճամբու եզրին թաքնուած PKK-ի զինեալներ ռումբեր արձակած են զրահապատ կառքին ուղղութեամբ: Շրջանին մէջ կացութիւնը կը շարունակէ մնալ լարուած: