-0.91c
Երեվան
երք, փտր 11
Պէյրութի Ալ-Համրա փողոցին վրայ անձնասպանական ահաբեկչական գործողութիւն մը խափանուած է: Այս մասին լուրը կը փոխանցէ Լիբանանի անվտանգութեան տեղեկատուական մարմինը:
Փոխանցուած տեղեկութեան համաձայն, լիբանանեան բանակի հետախուզական մարմիններու եւ տեղեկատուական բաժնի համագործակցութեամբ, կարելի եղած է ձախողցնել ահաբեկչական գործողութիւնը՝ գործադրումէն վայրկեաններ առաջ:
LBCI-ի փոխանցմամբ՝ պայթուցիկ գօտի կրող ահաբեկիչը ձերբակալուած է Համրա փողոցի վրայ գտնուող Costa սրճարանը մուտք գործել փորձած ժամանակ, ուր ինքզինք պիտի պայթեցնէր: Անվտանգութեան ուժերը ահաբեկիչին կը հետեւէին նախքան սրճարան հասնիլը: Կը նշուի, որ անձնասպանը այժմ տեղափոխուած է հիւանդանոց, վիրաւորում ստանալէ ետք:
Նշենք, որ այլ անձնասպանի մը գոյութեան մասին տեղեկութիւններ տարածուած են, որոնք սակայն աւելի ուշ հերքուած են:
