0.09c
Երեվան
երք, փտր 03
ԱՄՆ նախագահ Ճօ Պայտըն յայտնած է, որ ԵՄ-ն կը քննարկէ այնպիսի միջոցներու ձեռնարկում, որոնք Ռուսիոյ պիտի ստիպեն նաւթ վաճառել շուկայականէն ցած գներով: Անոր խօսքով` Ուաշինկթընը Եւրոպայի մէջ դաշնակիցներուն հետ միասին տարբերակներ կը փնտռէ վառելանիւթի գիները զսպելու համար, որոնք կ'աճին ուքրանական հակամարտութեան եւ հակառուսական պատժամիջոցներու լոյսին տակ:
«Եւրոպան այժմ որոշում կը կայացնէ ալ աւելի կրճատել ռուսական նաւթի գնումները», Սպիտակ տան մէջ ելոյթի ժամանակ լրագրողներուն ըսած է ամերիկացի առաջնորդը:
«Եւ տարբեր տեսակի հարցեր կը քննարկուին, թէ ինչ կարելի է ընել: Գուցէ նոյնիսկ նաւթ գնել սահմանափակ գինով», շարունակած է Պայտըն: Անոր խօսքով, հնարաւորութիւններէն մէկը կ'ենթադրէ, որ Ռուսիան նաւթ վաճառելու «անելանելի կարիք» պիտի ունենայ, սակայն ստիպուած պիտի ըլլայ զայն «վաճառել զգալիօրէն ցած գինով, քան ներկայիս կայ շուկային մէջ»:
ԱՄՆ նախագահը այլ մանրամասներ չէ յայտնած:
