30.14c
Երեվան
հնգ, հլս 16
ԱՄՆ-ի Աթլանթա քաղաքի «Մերսետէս-Պենզ» մարզադաշտին մէջ տեղի ունեցաւ Աշխարհի առաջնութիւն-2026-ի կիսաւարտականի կեդրոնական հանդիպումներէն մէկը, ուր իրարու դէմ մրցեցան Անգլիոյ եւ Արժանթինի ազգային հաւաքականները։ Լարուած պայքարի աւարտին հարաւամերիկացիները կամային յաղթանակ արձանագրեցին՝ 2-1 արդիւնքով։
Հանդիպման հաշիւը բացին անգլիացիները երկրորդ խաղակէսին։ 55-րդ վայրկեանին կոլը խփեց յարձակող Էնթընի Կորտընը։ Երկար ժամանակ Անգլիոյ հաւաքականը պահպանեց իր առաւելութիւնը, սակայն հիմնական ժամանակի աւարտէն ընդամէնը հինգ վայրկեան առաջ՝ 85-րդ վայրկեանին, Արժանթինի կիսապաշտպան Էնզօ Ֆերնանտէսը վերականգնեց հաւասարութիւնը։
Հանդիպման վճռական պահը եկաւ մրցավարին կողմէ աւելցուած ժամանակին։ 90+2-րդ վայրկեանին Մարթինէս հեղինակեց յաղթական կոլը՝ խլելով յաղթանակը Անգլիոյ հաւաքականէն եւ վերջնական հաշիւը դարձնելով 2-1։
Յիշեցնենք, որ հանդիպումը կը վարէր ամերիկացի մրցավար Իսմայիլ Էլֆաթի գլխաւորած մրցավարական խումբը։
Այսպիսով, ԱԱ-2026-ի աւարտականին իրարու դէմ պիտի մրցին Արժանթինի եւ Սպանիոյ ազգային հաւաքականները։ Հանդիպումը պիտի կայանայ Յուլիս 19-ին, Երեւանի ժամանակով՝ երեկոյեան ժամը 11:00-ին։
Յիշեցնենք, որ մրցաշարի նախորդ փուլին Անգլիոյ հաւաքականը 2-1 արդիւնքով յաղթած էր Նորվեկիոյ, իսկ Արժանթինը 3-1 վստահ յաղթանակ արձանագրած էր Զուիցերիոյ դէմ։
