0.09c
Երեվան
կրկ, մրտ 01
Հայաստանի տարածքին միջանցքային տրամաբանութեան ճանապարհ կամ փոխադրութեան ուղի չի կրնար գործել: Այս մասին ըսած է Հայաստանի Անվտանգութեան խորհուրդի քարտուղար Արմէն Գրիգորեանը:
Նշենք, որ Ատրպէյճանի նախագահ Իլհամ Ալիեւը Թուրքիոյ նախագահ Ռեճեպ Թայիպ Էրտողանի հետ հեռախօսազրոյցով յայտարարած է, թէ Մայիս 22-ին Պրիւքսէլի մէջ կողմերը եկած են պայմանաւորուածութեան ՀՀ տարածքով միջանցք ստեղծելու` այդ շարքին երկաթուղային եւ մայրուիղիի ճանապարհի կառուցման շուրջ:
Այս առնչութեամբ, Գրիգորեան ըսած է, որ «Հայաստանի Հանրապետութեան դիրքորոշումները որեւէ փոփոխութիւն չեն կրել: Հայաստանի տարածքում միջանցքային տրամաբանութեան ճանապարհ կամ փոխադրութեա ուղի չի կարող գործել: Բոլոր պայմանաւորուածութիւնները, որ ձեռք են բերուել Պրիւքսէլում, վերաբերւում են տարածաշրջանային հաղորդակցութիւնների բացմանը, որոնց մասին խօսել եմ նաեւ երէկ, Ձեր հարցերին ի պատասխան: Պրիւքսէլում ձեռք բերուած բոլոր պայմանաւորուածութիւնները տեղաւորւում են նախկինում ՀՀ ներկայացուցիչների արած հրապարակային յայտարարութիւնների շրջանակում: Հանդիպման արդիւնքներով ԵՄ խորհրդի նախագահի յայտարարութեան մէջ էլ կարող էք տեսնել, որ տարածաշրջանային հաղորդակցութիւնների բացման համատեքստում պայմանաւորուածութիւնները վերաբերուել են սահմանային, մաքսային հսկողութեան, ճանապարհային վճարների գանձման, միջազգային տարանցման կազմակերպման հարցերին: Սրանք կարեւոր հարցեր են «Հայկական խաչմերուկ» նախագծի իրագործման համար եւ Հայաստանի կառավարութիւնը հետեւողականօրէն շարժուելու է այս ուղղութեամբ»:
