-3.91c
Երեվան
երկ, դկտ 23
Միացեալ Նահանգներու Արտաքին գործոց նախարարութեան խօսնակ Մեթիու Միլըր ճեպազրոյցին անդրադարձած է վերջին օրերուն Ատրպէյճանի կողմէ Հայաստանի հետ սահմաններուն հրադադարի խախտումներուն՝ ընդգծելով, որ Միացեալ Նահանգները կը շարունակէ մտահոգուած ըլլալ այս իրավիճակի առնչութեամբ:
«Եւ մենք կը շարունակենք երկու կողմերուն յորդորել միասին աշխատիլ՝ եղած տարաձայնութիւնները յաղթահարելու համար: Ընդհանրապէս, ինչպէս գիտէք, մենք կը հաւատանք, որ համաձայնութիւնը կը շարունակէ հասանելի ըլլալ, եւ մենք անհամբեր կը սպասենք հրաւիրելու երկու կողմերուն՝ առաջ շարժելու»,-ըսած է Միլըր:
