1.09c
Երեվան
կրկ, մրտ 01
Ռուսիոյ ԱԳՆ ղեկավար Սերգէյ Լաւրով իր գործընկեր Արարատ Միրզոյեանի հետ առանձնազրոյցէն յետոյ մաուլի ասուլիսի ժամանակ անդրադառնալով Երեւանի եւ Պաքուի միջեւ յարաբերութիւններու կարգաւորման, նշած է` կասկած չկայ, որ վերջնական պայմանաւորուածութիւններ ձեռք պիտի բերուին Հայաստանի եւ Ատրպէյճանի միջեւ յարաբերութիւններու կարգաւորման վերաբերեալ:
Ռուս պաշտօնեային խօսքով` տուեալ գործընթացը կը շարժի, թերեւս ցանկալի էր, որ կշռոյթները աւելի արագ ըլլային, սակայն գործընթացը կ'ընթանայ, ձեռք կը բերուին էական, առայժմ միջանկեալ, բայց դրական արդիւնքներ:
«Վստահ եմ, որ յարաբերութիւններու ամբողջական կարգաւորումէն բացի այլ ուղի գոյութիւն չունի...Այն ինչ մենք կ'անուանենք «խաղաղութեան պայմանագիր», կը հիմնուի Ատրպէյճանի կողմէ ներկայացուած առաջարկներու եւ ի պատասխան Հայաստանը ներկայացուցած է իր տեսլականը: Հաշուի առնելով այս երկու փաստաթուղթերը` կ'ընթանայ գործընթաց, որուն մենք պատրաստ ենք մասնակցելու միջնորդի, խորհրդատուի եւ աջակցող երկրի դերով», եզրափակած է Լաւրովը:
