2.09c
Երեվան
ուրբ, դկտ 26
Սուրիացի,հանգուցեալ ,արուեստագէտ,երգիչ Սապահ Ֆախրիի մարմինը յուղարկաւորուեցաւ հինգշաբթի օր ՝ Հալէպի մէջ։
Յուղարկաւորման արարողութիւնը կատարուեցաւ Սուրիոյ Նախագահ ՝ Ն.Վ. Տօքթ. Պաշշար Ասատի ներկայացուցիչ նախարար Ազամ Մանսուրի ներկայութեամբ:
Վերջին հրաժեշտի արարողութեան ներկայ եղան տեղեկատւութեան եւ մշակոյթի գործիչներ, ինչպէս նաեւ «Պաաս» կուսակցութեան խորհրդանական անդամներ ու արուեստագետներու միութեանց ներկայացուցիչներ։
«Ադամանդէ կոկորդ»ի տէր համարուող, Սապահ Ֆախրին (Բուն անունով ՝ Սապահ ալ տին Ապու Գոս) առանձնայատուկ յարաբերութիւններ ունէր , Սուրիոյ նախագահութեան (սկսած հանգուցալ նախագահ Հաֆէզ Ասատի օրերէն) երկրի նախագահական կառոյցին հետ ու այդ առիթով ալ Սուրիոյ առաջին տիկին Ասմա Ալաստ ընդունած է հանգուցեալի այրի Ֆաթիմա Խէյրին։
Յիշեցնեմ, որ Սապահ Ֆախրի տարբեր առիթներով արժանացած է Սուրիոյ պետութեան ամենաբարձր շքանշաններուն։
Ան պետութեան յանձնարարականով նախաձեռնած է Սուրիոյ ազգագրական երգերը Եունեսքոյին ներկայացնելու ծրագիրը եւ զայն յաջողութեամբ պսակած։
Սապահ Ֆախրի երգեցողական ասպարէզին մէջ,ունեցած է կէս դար երկարող ,բացառիկ գործունէութիւն։
«Արեւելք»ի համար պատրաստեց ՝ Տօքթ. Նորայր Մանճեան
