14.09c
Երեվան
կրկ, ապր 06
Օրերս Մասեացոտնի թեմի առաջնորդ Գերշ. Տ. Գէորգ Եպս. Սարոյեանի հանդիսապետութեամբ տեղի ունեցած է հսկումի ժամերգութիւն։
Ստորեւ «Արեւելք» իր ընթերցողաց կը ներկայացնէ ատոր մասին տրուած լրատւութիւնը՝
28 Մարտին Մասեացոտնի թեմի առաջնորդ Գերշ. Տ. Գէորգ Եպս. Սարոյեանի հանդիսապետութեամբ՝ Մասիսի Սուրբ Թադէոս եկեղեցիին մէջ տեղի ունեցաւ հսկումի ժամերգութիւն։
Թեմի հոգեւորականները, իրենց համայնքներու ուխտաւոր հաւատացեալներուն մասնակցութեամբ, միասնական աղօթք բարձրացուցին առ Բարձրեալը՝ մեր երկրի խաղաղութեան եւ հոգեւոր կեանքի զօրացման համար։
Ժամերգութենէն ետք եկեղեցւոյ բակին մէջ տեղի ունեցաւ պահքի ուտելիքներու հիւրասիրութեամբ սիրոյ ճաշ։
Մեծ Պահքի շրջանին միասնական ժամերգութիւններ տեղի պիտի ունենան նաեւ թեմի հետեւեալ եկեղեցիներուն մէջ.
· 4 Ապրիլի – Վետիի Սուրբ Աստուածածին եկեղեցի,
· 11 Ապրիլի - Արարատ քաղաքի Սուրբ Ամենափրկիչ եկեղեցի։
Թող Տէրն առատապէս օրհնէ բոլոր բարերարներն ու հաւատացեալ աղօթակիցները։
