26.09c
Երեվան
կրկ, օգս 30
12 օրական Մոնթէն Ենգոյեանների ընտանիքի իններորդ որդին է, տասներորդ զաւակը։ Ընտանիքին մայրը՝ 39-ամեայ Քրիսթինէ Մանուկեանը կը նշէ՝ Մոնթէի ծնունդը նոյնչափ ուրախութիւն պարգեւած է ծնողներուն, որքան անոր ութ աւագ եղբայրներուն ու մէկ քրոջ լոյս աշխարհ գալը։
«Անուն չէինք կարողանում որոշել, որ թէ՛ սիրուն, թէ՛ մեր սրտով լինի, թէ՛ էլ չկրճատուի։ Որոշվեցինք Մոնթէ դնել, բոլորը համաձայնուեցին ու դրեցինք», ըսաւ Քրիսթինէ Մանուկեանը։
Մոնթէի քոյրն ու եղբայրներ են Յարութիւնը, Դաւիթը, Արգիշտին, Մինասը, Արմանը, Ակնեսան, Նարեկը, Արթուրը եւ Ալեքսը:
Ենգոյեաններու ընտանիքի առաջին զինուորները՝ Յարութիւնը եւ Դաւիթը, մասնակցած են 44-օրեայ պատերազմին, ժամկէտայիններ եղած են։
«Յարութիւնն Աղտամում է եղել՝ Խոճալուի զօրամասում, բայց պատերազմի ժամանակ ամբողջ ընթացքում Աղտամում է եղել, ինքը տանկիստ էր։ Դաւիթը Մարտունիում է եղել», ըսաւ Քրիսթինէ Մանուկեանը։
Մոնթէն ամուսիններու վերջին զաւակը պիտի ըլլայ։ Մայրը դէմ չէր ըլլար երկրորդ տասնեակին անցնելու, բայց ան արդէն հինգ կեսարական հատում կատարած է, բժիշկները եւս մէկ յղութիւնը վտանգաւոր կը համարեն։
Բազմազաւակ ընտանիքը կ'ապրի Արմավիրի մարզի Դալարիկ գիւղի չորսենեականոց տան մէջ։ Կը զբաղին հողագործութեամբ ու անասնապահութեամբ։
