26.09c
Երեվան
կրկ, օգս 30
Օգոստոսի 29-ին, արտակարգ դէպք տեղի ունեցած է Լոռիի մարզին մէջ։ Ժամը 11։00-ի սահմաններուն «Վանաձոր» բժշկական կեդրոն է տեղափոխուած է ծայրայեղ ծանր վիճակի մէջ գտնուող երեխայ, գրած է Shamshyan.com-ը։
Ինչպէս յայտնած է Գագիկ Շամշեանը, տեղի բժիշկները կրցած են անհրաժեշտ բուժօգնութիւնը ցուցաբերել երեխային, որմէ ետք Երեւանի մասնագիտացուած հիւանդանոցներէն մէկը տեղափոխելու նպատակով բժշկական օդային ծառայութեան կանչ գրանցուած է։
Ֆոթոլրագրողի տեղեկութիւններով՝ երեխան 2-ամեայ Ն․ Ա․-ն է, որ անզգուշաբար երրորդ յարկի պատուհանէն վար ինկած է։
Դէպքի մասին արդէն տեղեկացուած են ՀՀ ներքին գործոց նախարարութեան ոստիկանութեան համայնքային ոստիկանութեան գլխաւոր վարչութեան տարածքային բաժինը, ուրկէ հիւանդանոց ժամանած է հերթապահ խումբը՝ օրուան պատասխանատուի գլխաւորութեամբ։
Դէպքի փաստով ոստիկանութեան տարածքային բաժնէն ներս փաստաթուղթեր կազմուած են, որոնք փոխանցուած են ՀՀ քննչական կոմիտէի Լոռիի մարզային քննչական վարչութիւն։
